من اجمل ما قرات لخليل الشبرمي ؟؟

قصيده ابهرتني وحبيت انقلها لكم
اقروها وقولوا رايكم فيها؟؟؟؟؟؟

يامن دهتني عيونك واحتوتني يديك
الله يسامحْك كيف تقول ماذا دهاك

ماتدري اني متيّم بك وكلي لديك
مملوك مأسور مسبي مستهام بهواك

أموت كلي معك .. واموت فيك وعليك
واغليك لكن عسى الله مايبيّن غلاك

واحنّ اليك .. وعليك احنّ من والديك
ومن لهفتي عين قدّامك وعينٍ وراك

أشتاق لك واشتكي لك منك واشكيك اليك
كلك ملكني .. وكلك في عيوني ملاك

جادلك جيدك جبينك خنجرك حاجبيك
اسمك سماتك سمّوك سِسْتِمِك مستواك

جوريْك جمرك لجينك عسجدك وجنتيك
ذرابتِك رقّتِك روعة حضورك بهاك

وجهك وهج مبسمِك بسمَتْك غمّازتيك
براءتك .. خالك اللي لاذ بايسر شفاك

سِجِنّجِلِك جلنارك نرجسِك كركديك
كاديك مسكك نسيمك شمس صبحك مساك

سلهام عينك .. نَعَس طرفك .. حَور مقلتيك
بوهَتْك ملحك حلاتك خف دمك حياك

ما اعرف اداري ولا اهدّي ولا امسك بريك
لاجيت اجي كلي .. وكلي عساني فداك

أقدّم الروح كاش .. وباقي العمر شيك
باسمك مصدّق ولا يصرف لحيٍ سواك

يامن دهتني عيونك واحتوتني يديك
الله يسامِحْك كانك قلت ماذا دهاك

جميل ماسطرته أقلام الشبرمي من كلمات ومعاني ..

وكان من ذلك فوزه بشاعر المليون في أغلى المسابقات الخليجيه ...

يعطيك العافيه أخوي على النقل وعلى ذووقك وفهمك للمعاني ..

تقبل مروري المتواضع ...

تحياتي ...

مشكور اخي الشاكي عالمرور وننتظر جديدك يالغالي
تحياتي لك

كلمات رائعه أخي استمر هكذا
دوم مب يوم تحياتي

جادلك جيدك جبينك خنجرك حاجبيك
اسمك سماتك سمّوك سِسْتِمِك مستواك

قصيدة رائعة والبيرق مااخذه الشبرمي من فرااق الا انه يستااهله وزوود ..

مشكور >قانوني

تقبل مروري

العفووو يا همسة غلا
وثانكس ع مرورك الحلو

قصيده تحمل كلمات راقيه ومعاني رفعيه

نتمنى أن نرى كل ابداع منك دائما
لك كل الشكر والتقدير