&سمعت صوتٍ يشبه التغروده &

فن إماراتي شعري ، طلب من شعراء المليون المشاركون في احدى الحلقات تقديم أبيات على هذا الفن
أعجبني فن التغروده
فكتبت تغرودتي الأولى

الهـم باعنـى عدتـه و حشـوده


حوط على قلبـي بكـل حـدوده


و دارت معارك كلهـا مشهـوده


بيـن الهمـوم و رايتـي المعقـوده


و يوم أصبحت كل الطرق مسدوده


و كل تفنن في طـروق صـدوده


سمعت صـوتٍ يشبـه التغـروده


مصدره من يمـة جبـال السـوده


نظرت يمه قلـت حـي جـدوده


غصن تمايـل مـن حـلاة وروده


ما بين عين و بيـن حمـر خـدوده


سافرت و المـده علـي معـدوده


قالت دخيلـك فرحتـي مـوؤده


قلت أبشري يا الفتنـه المحمـوده


لأجلك نسيت همومـي المحشـوده