و ان انت قويت تره انا ما اقوى الطعونــــي~~و ان انت هويت تره انا ما اقوى الهوانـــيـ

اصعب شي يوم يجتمع الحب و الخوف في قلب العاشق و هالقصيده اهداء لكل شخص يحب و يخاف من الغدر او انه الطرف الثاني ما يحبه ...


في جو ماطر و رعد قاتل الوجدانـــــي
قمر عاتم و غيم حامله عهود دفينــــي
اسافر بخيالي من بعيد لبعيد عنــــــي
عواصف تنتشيني و بهمي اعود ضاني
اناجي لكن بصدود فهالعالم الحزينـــي
في عالم كبير بدنيا بليا حدود شقيانــي
لابد اني ارجع للعالم و اعود هلكانـــــي
ذكرت حبيبي عل و عسى يروف فينـــي
شحالك يا جرحي ؟وش حال الحنينــي؟
بعدك تحبه!بعدك عايش ع طاري ضنيني
لا تشيل يا قلبي حمله و هم و الونيني
ودك تخون؟ادري فيك لكن خلها لسنيني
حبيبي ان نويتها سوها لكن وراء عيني
لا تبين لي غدرك و خل غربالي يعتريني
لا تقول اهواج و فديتج و تقول هيماني
ويش اصل اكون في حياتك غير نكراني
ان كنت قاصدها اثبتها على مر الازماني
و الله ما ادري ويش النهاية بقلب عصاني
نصحته ... و طاوعته درب المحبه نيرانــي
ما ادري ويش جديدة غير شقااا بركانـــي
ان نويت تهجر اهجر بالخفوقي و كفانـــي
لا يرتفع صوت قلبي وتشعل لهايب ونيني
لا تزيد اشواقه و غرابيله و تهجر ثانـــــــي
و انت ترى ان نويت الصد تزيد جنونــــــــي
وتعلم انك ان نويت تقفي تكون انانــــــــي
دخيلك خل قصتنا تموت مع كل غليانــــــي
لا تفضح حبي و تخلي هالاعياني تهونــي
و ان انت قويت تره انا ما اقوى الطعونــــي
و ان انت هويت تره انا ما اقوى الهوانــــــي
وان قويت التسلي لاتخلي غريره هالاماني
عن الخيانه برتفع و ان جت بخليها اكفاني
انت اول من بحياتي ارضابه بكل فخرانـــي
لا تقول هذي كانت حريفه الهوى تهونــــي
انا قلبي اذا حد سكنه اصبح كل نيرانـــــي
توه بدا يقنص الحب و يقول بضما كفانـــي
تدري في بالك تناقض كلامــــــي بثانـــي
تقول ذي من بنات اصبحن خســـــــرانــي
لا و ربي بخلي الايام تبين لك عهـــــداني
و اهجرني اليوم ...و ارجع بعد عامينـــــي
ما تلاقي غير وفا عندي و كلي ضميانـــي
ناس"ن" كثير حاولوا لكن غيرك مالفانـــي
قلبي و هو قلبي عنهم مرتفع و سلوانـــي
لا تسالني ويش جاب طاري هــالغدراني
و انـــــا عارفه نهاية كل حب يا ولد فلاني
لا تجيب طاري الاصول.. الحب تره اعتراني
اصلي خله و لو كانوا بولد فلان ينعتونـــي
لفخرت وبينت من اكون..كانت دنياي هوني
احيدني اسرح و امرح و اركض بجنونـــــي
لين عصف فيني الهوى و حبك ضيعنــــــي
و ابشرك كيف كانت حياتي سلوانــــــــي
ينعتوني بدلوعة ابوي و غاليه اخوانــــــي
و فجاة شيدت انت في قلبي البنيانــــــــي
انا ادري وجودي في حياتك نكـــــــراني
غلطه و في الاخير بتحملها عشانــــــي
لكن طلبتك طلبه لا تحملني و تلومنـــــي
ما اقوى منك العتب و ربي شاهد بعاني
لا تقول اهواج و العمر يرخص كله فاني
اتثبتها واقع لا تعجب بانفعالاتي و جنوني
تره يا كثرها هالزمن و مالها حتى اوطاني
لا تقول ويش بلاج يا بنت ؟ويش حل فيني
سرحان شاغلني هالواقع لي كله عصاني
لا عرفت قلبي و لا فهمت هالمشاعر فيني
هي صدق تحبك و الا مجرد اوهــــام تعتريني
ماني مرخصه ذاتي ولو للحب و الله صدقني
و اذكر ان نسيتني يوم لا تعلنها حق عاذليني
و بهالجب الحزيني تقخر خلها تصبح دفاني
و انا ما قدرت قولها لكن لا تتمادى يا الاناني
لا تلومني من خوف من هالواقع الخسراني
يا كم ما سمعت عن الحب مصايب باليميني
تقولي قولي بالي فخاطرج ........ حاكيني
و انا توني في الحب اخاف الغزل يهز كياني
لا تلومني تره اليوم اصبحت عنـــــــــواني
اوعدك احفظك عن هالعالم و عن العاذليني
برحل من دنياك و عيونك تصبح لغيري مواني
و بعد كل هذا ما تباني اخاف الونيـــــــني
ما تباني اداري الاحســـــــــاس و اشجاني
خل المشاعر تموت و العماء يصيب الاعياني
و خلك مريح سالي في هبايب هالكونـــــي
و لكن بسالك و بكل صريح كلامي ولساني
لو حلت لحظه هالفراق وش بتقول عني
تدري لو حلت ساعة الفراق و الانــــيني
ببتسم و بكل قناعاتي راح اقولها يا خلاني
دنياك هذي عاشرها و ســــــــــير يا فلاني