قصيده فتاه يوم زوااج حبيبها..

هذه الابيات نسجتها انسانه بدموعها قبل قلمها

يوم زواج حبيبها بكت الف مره وصرخت الف مره ولكن..؟؟

زفوه قدامي وانـا العيـن تبكيـه
زفوه للـي حكمهـا بنـت عمـه

زفوه قدامي وانـا القلـب يشكيـه
وشلون خان اللي غرامـه بدمـه

اقبل عليها يحضن البنـت بيديـه
وانا اذوق الموت مع كـل ضمـه

فرحانه امه فـي نظرهـا تراعيـه
وانا اصيح المـوت للقلـب يمـه

وشلون قفى حبي اليـوم ناسيـه
وشلون ذوقني مـن الغـدر سمـه

ياقلب خانك وانت ياقلـب شاريـه
ياكيف بعض الناس مافيـه ذمـه

وشلون خانك وانت بالـدم تفديـه
وتفـز مـع كلمـة احبـك بفمـه

جيت لزواجه يوم الاشواق ترجيـه
وادري زواجه غصب عني بيتمـه

اكذب على نفسي وانا قول مابيـه
واضحك وانا اللي يطعن القلب همه

لكن عجزت اكتـم دمـوعٍ تناديـه
وهو جالس ايسولف على بنت عمه

( الله يعينها كلماتها نابعة من قلب حب وصان ولكن خسارة خيانة هالشاب اللي بدون قلب ).

متقووووووووول للأماااااااانه

حي بالشعر يلي مألف في وصف ريم فاقد أضنين
مثل الذي يوصف الصد ويبكي على فرق ماضيه

كلمات الغدر لاتوصف ولا تكتب
قصيده جدا محزنه
نسأ الله ان يبعد الحزن عن كل عزبز
ويعطج العافيه على المرور

مشكور اخي على مرورك الرائع
يعطيك العافيه
تحياتي

قصييدة محزنة والله يصبرهاا ويعووضها بوااحد ااحسن منه..

يسلموو>همسة

تحياتي

ابصرااااحه البنت سوري ع هالكلمه اشلون تحضر عرس حبيبها اهي تريد تذبح نفسها وتشوف الموت بعيونها حرام والله ع صحتها اهم شي قبل كل شي

وهو تزوج وخير يعني في غيره احسن منه يعتني فيها اهي والله ايش رايك اختي براي؟؟؟؟؟؟؟؟؟؟؟؟؟؟؟؟؟؟

هالكلماااااااات حسيتها قريبه مني

تسلمين